ئەمڕۆ جەژنی خدر ئەلیاسی کوردانی ئێزدییە

رووداو – دهۆک

ئەمڕۆ یەکەم رۆژی جەژنی خدر ئەلیاسی تایبەت بە کوردانی ئێزدییە. بەپێی نەریتی ئەو جەژنە، ئەو کەسانەی ناویان خدر ئەلیاسە دەبێت سێ رۆژ بەڕۆژوو بن و ماوەی دوو رۆژیش دەکەنە جەژن.

تەحسین قاسم، پەیامنێری رووداو لە کەمپی شاریا لە دهۆک رایگەیاند، ئەمڕۆ رۆژی یەکەمی جەژنی خدر ئەلیاسە، ئەو کەسانەی ناوی خدر ئەلیاس بێت بۆ ماوەی سێ رۆژ بەڕۆژوو دەبن، واتە لەسەر هەموو ئێزدییەکان نییە بەڕۆژوو ببن، بەڵکو تەنها ئەوانەی ناویان خدر ئەلیاس بێت لەسەریان پێویستە ساڵانە لە مانگی شوبات بۆ ماوەی سێ رۆژ بەڕۆژوو ببن و ماوەی دوو رۆژیش دەکەنە جەژن، رێوڕەسمی جەژنەکەش لە مەزارگەی خدر ئەلیاس بەڕێوەدەچێت.

هەر لەو جەژنەدا ژمارەیەک رێوڕەسمی تایبەت بەو جەژنە بەڕێوەدەچن، یەکێک لە رێوڕەسمەکان سوورکردنەوەی قەلاندۆکە، کە لە گەنم و جۆ و نۆک پێکهاتووە، ئێزدییەکان گرنگییەکی زۆر بەو جەژنە دەدەن و پێیانوایە لەو مانگەدا دەرگای خێر و بەرەکەت دەکرێتەوە و کوڕان و کچانیش خواستی پێکهێنانی ژیانی هاوژینیان لەسەر دەبێت.


تەحسین قاسم، پەیامنێری رووداو لە کەمپی شاریا لە دهۆک













Supply by [author_name]

Leave a Reply

Your email address will not be published. Required fields are marked *