هێمن هەورامی: لە 100% کۆبوونەوەی پەرلەمانی کوردستان دەکرێت

رووداو – هەولێر

هێمن هەورامی جەختدەکاتەوە کە کۆبوونەوەی پەرلەمانی کوردستان “لە 100%” لە 18ی شوبات دەکرێت. دەشڵێت “پارتی و یەکێتی جگە لە رێککەوتن هیچ بەدیلێکی دیکەیان نییە”.

پێش کۆبوونەوەی سەرۆکی کاتیی پەرلەمانی کوردستان و سەرۆکی فراکسیۆنەکان، هێمن هەورامی، بەربژێری پارتی بۆ پۆستی جێگری سەرۆکی پەرلەمانی کوردستان لە کۆنگرەیەکی رۆژنامەڤانیدا رایگەیاند “ئێمە وەکو پارتی دیموکراتی کوردستان لە 100% لەگەڵ ئەوەداین، کۆبوونەوەکەش رۆژی 18ی مانگ دەکرێت ئینشائەڵڵا، چونکە لەوە زیاتر ناکرێت چاوەڕێبکرێت”.

هێمن هەورامی دەڵێت “ئێمە هەمیشە لەگەڵ گیانی پێکەوەبوون و تەبایی و گفتوگۆین، لەگەڵ ئەوەین کێشەکان بە گفتوگۆ چارەسەر بکرێت، پێمانوایە مادام پارتی و یەکێتی رۆژی 5ی 2 رێککەوتنێکیان واژۆکردووە، وەکو دوو هێزی گەورە و براوەی یەکەم و دووەم رێککەوتوون لەسەر ئەوەی کۆبوونەوەکەی 18ی مانگ ئەنجامبدرێت، بۆیە ئێمە وەکو پارتی پابەندین بەوەی کۆبوونەوەی رۆژی 18ی مانگ دەکرێت و ئینشائەڵڵا دەشبینن لە 100% دەکرێت”.

سەبارەت بە رێککەوتنی پارتی و یەکێتی، هێمن هەورامی دەڵێت “جیا لە رێککەوتن هیچ مەجالێک نییە لەنێوان ئێمە و یەکێتی، بۆیە گەلی کوردستان دڵنیادەکەینەوە پارتی و یەکێتی دوو هێزی گەورەی ئەو وڵاتەن جیا لە رێککەوتن بەدیلیمان بۆ هیچ شتێکی دیکە نییە”. 


هێمن هەورامی: پارتی و یەکێتی جیا لە رێککەوتن هیچ بەدیلێکی دیکەیان نییە













Supply by [author_name]

Leave a Reply

Your email address will not be published. Required fields are marked *