چوار فراکسیۆنی تورکمانی یەک پاکێجیان بۆ بەشداریی لە حکومەت هەیە

دڵنیا رەحمان- پەیام سەربەست
رووداو-هەولێر

چوار فراکسیۆنی پێکهاتەی تورکمان بە یەک پاکێج بەشداری لە دانوستاندنەکان بۆ پێکهێنانی حکومەتی نوێی هەرێمی کوردستان دەکەن و پێکهاتەی کریستیانیش داوایانکردووە کە یاریدەدەر یان نوێنەرێکیان لە سێ سەرۆکایەتییەکەدا پێبدرێت، ئایدن مەعرووف ئەندامی فراکسیۆنی بەرەی تورکمانی لە پەرلەمانی کوردستان دەڵێ، دەیانەوێ لە کابینەی نۆیەمدا پۆستی جێگری سەرۆکی ئەنجوومەنی وەزیران بدرێتە کەسێکی پێکهاتەی تورکمان.

خەریکە نیگارە خوازراوەکە دەنەخشێندرێت، هەر هێڵێک لە شوێنێ خۆی جێگیردەکات تاوەکو نەخشە تەواوەکە دەردەکەوێت. حاجی مزەفەر تورکمان، پرۆسەی پێکهێنانی حکومەت وەک پیشەکەی خۆی دەبینێت کە ئەگەر هەر شتێک لە شوێنی خۆی بێت، رەزامەندی گشتی زیاتر دەبێت. 

حاجی موزەفەر، دارتاش لە هەولێر دەڵێت: “ئەمانەوێ وەک برایەک بژین، فەرقمان نییە کورد بین، تورکمان بین، عەرەب بین یان مەسیحی”.

هەرچەند ژمارەیەکی دروست و پشت پێبەستراو لەسەر رێژەی تورکمانەکان لە هەرێمی کوردستان نییە، بەڵام ژمارەیان لەنێوان 50 بۆ 70 هەزار کەس مەزەندە دەکرێت. ئەوان خۆیان بە نەتەوەی دووەم دەزانن و چاوەڕوانیشیان لە حکومەتی نوێ بەو شێوەیەیە.

محەممەد خەلیل، هاونیشتمانییەکی تورکمان دەڵێت: “داوادەکەین حەقی تورکمان بە تەواوی بدرێت و حەقی تورکمان لە کابینەی نۆیەم پێشل نەکرێت”.

کوسرەت ئیسکەندەر، هاونیشتمانی تورکمان دەڵێت: “داخوازیمان ئەوەیە کە وەکوو کابینەی پێشوو نەبێی و ئەم جارە پۆستی جێگری سەرۆک پارلەمان یان جێگری سەرۆک حکومەت بۆ کەسێکی تورکمان بێت، هەروەها داوالە پارلەمانتارە تورکمانەکانیش دەکەین هیچ فەرقێک لە نێوان نەتەوەکاندا دانەنێن”.

یەکەمین حیزبی تورکمانی لە ساڵی 1992 لە هەرێمی کوردستان دامەزراوە. ئێستا زیاتر لە 11 حیزب و لایەنی تورکمانی لە هەرێمی کوردستانن. هەرچەند تاوەکو ئێستا پارتی گفتوگۆی لەگەڵ نەکردوون، بەڵام پۆستی جیاواز و کاراتر لە کابینەکانی رابردوویان دەوێ.

ئایدن مەعرووف، ئەندامی مەكتەبی سیاسی بەرەی توركمانی و تاكە پەرلەمانتاری ئەو بەرەیە لە پەرلەمانی كوردستان بە رووداوی راگەیاند: “بۆ ئێمە لەم کاتەدا سەقامگیری سیاسی هەرێمی کوردستان زۆر گرینگە و دەمانەوێ لە چوارچێوەی ئەم سەقامگیرییەدا تورکمانەکانیش بە شێوەی ئەکتیڤ و کارا بەشدار بن لە پرۆسەی سیاسی و حکومەتی نوێ هەرێمی کوردستاندا. ئێمە وەکو پێکهاتەی تورکمان داواکارین یەک لە جێگرەکانی هەر سێ سەرۆکایەتی پەرلەمان، سەرۆکایەتی هەرێم یان حکومەتمان پێبدرێت بۆ ئەوەی تورکمانەکان بتوانن بەشێوەی راستەوخۆ بەشداری حکومەت بکەن”.

تورکمانەکان لە هەڵبژاردنی خولی پێنجەمی پەرلەمانی کوردستاندا زیاتر لە 9 هەزار دەنگیان هێناوە. عەنکاوە، ناوەندی کریستیانەکانی کوردستان و پەناگەی مەسیحییەکانی عێراق، چاوەڕێن لەم رۆژانەدا، پارتی بۆ گفتوگۆکانی پێکهێنانی حکومەت، لە دەرگایان بدات.
 
حیزبی دیموکراتی بەیت نەهرەین کە three کورسی پەرلەمانی بەدەستهێناوە، لەپێدانی پۆستی وەزارەت گرنگتر، چاوی لەسەر نووسینەوەی دەستوور و چەسپاندنی مافەکانیان لە دەستووری داهاتووی کوردستانە.

رۆمیۆ هەکاری بە رووداوی راگەیاند: “ئاسوودەبین لە داهاتووی خۆمان و ئاسوودەبین لەوەی کە مافەکانمان لە چوارچێوەی سەرجەم یاسا و بڕیارەکان کە لە پەرلەمانی کوردستان دەدرێت و کاری پێ دەکرێت، هەروەها لە چوارچێوەی دەستووری هەرێمی کوردستانی داهاتوودا دەبێ مافەکانمان هەم جێگیر بێت و هەم بچەسپن”.  

داواکاری هاونیشتمانیان تا رادەیەک لە سیاسییەکانیان جیاوازترە. زۆربەیان ژیانێکی ئاسوودە و خۆشبژێوییان دەوێ.

شێرزاد یوسف داوا ئەمنیەت بۆ پێکهاتەکەیان دەکات و داوادەکات مەسیحیەکان هیچ کەم و کۆڕییەکیان نەبێت. دەریا مونەبەدیش هیوادەخوازێت دۆخی کریستیانەکان باشتر بێت و بگەڕینەوە بۆ پێش داعش.

بەپێچەوانەی تورکمان کە زۆربەیان لە هەولێرن، کریستیانەکان لە عەنکاوە، شەقڵاوە، کۆیە و دهۆک نیشتەجێن و لەدوایین هەڵبژاردنی هەرێمی کوردستاندا، 11 هەزار و 500 دەنگیان هێناوە. 

پێداچوونەوە؛ عومەر شایان


داواکاری هاونیشتمانیان تا رادەیەک لە سیاسییەکانیان جیاوازترە. زۆربەیان ژیانێکی ئاسوودە و خۆشبژێوییان دەوێ













Supply by [author_name]

118 هەزار کوردی ئێزدی چوونەتە دەرەوەی وڵات

رووداو – شنگال 

لەدوای رووداوەکانی 2014 هەتاوەکو ئێستا، 118 هەزار کوردی ئێزدیی خەڵکی شنگال چوونەتە دەرەوەی وڵات.

حوسێن حەسەن، هاونیشتمانییەکی شنگالە و دەڵێ “پێنج کەس لە ئەندامانی خێزانەکەم چوونەتە ئەڵمانیا، هەروەها ئێستا کەسوکارم لە هۆڵەندا، کەنەدا، سوێدیش هەن. ئێمەش دەمانەوێت لە شنگال دەرچین، چونکە هیچ هاریکارییەک نەکراوین”.

هەندێک رێکخراوی بیانی لە عێراق هەن، بەشێک لە خەڵکی شنگال بەفەرمی لەڕێگەی ئەوانەوە کۆچدەکەن بۆ دەرەوەی وڵات. هاونیشتمانییەک دەڵێ: 20%ـی خەڵکی شنگال چوونەتە دەرەوەی وڵات بەهۆی ئەوەی نەپارێزراون و ناتوانن بە ئازادی بگەڕێنەوە سەر ماڵوحاڵیان”.

بەگوتەی سەرۆکی ئەنجوومەنی پارێزگای نەینەوا، تاوەکو هێزە چەکدارە جیاوازەکان شنگال چۆڵ نەکەن، ئاوارەکان ناتوانن بگەڕێنەوە ناوچەکانی خۆیان. 

پێداچوونەوە: هەڵات رێبوار


کۆچی کوردانی ئێزدی بۆ دەرەوە زیادیکردووە













Supply by [author_name]

بڕینەوەی دار لە دەشتی سیلاخوەری لۆڕستان مەترسی لەسەر ژینگە دروستکردووە

رووداو – هەولێر

بڕینەوەی داری دارستانەکان تەواوی ناوچەکانی رۆژهەڵاتی کوردستانی گرتووەتەوە. لە هەندێک ناوچە، دارەکان بۆ هەناردەکردن بۆ کارخانەکانی کاخەزی ئێران و لە هەندێک ناوچەش بۆ سووتاندن و دروستکردنی خەڵوز دەبڕدرێنەوە. 

بەگوتەی بەرپرسانی خۆجێیی، قاچاخی دار لە رۆژهەڵاتی کوردستان لە حاڵەتەوە بووەتە دیاردەیەکی مەترسیدار. بەرپرسانی لۆڕستان دەڵێن، دەشتی سیلاخوەر کە گەورەترین دەشتی پارێزگاکەیە، بەرەو رووتانەوە دەچێت. 

ژینگەپارێزان، دامودەزگا حکومی و سەربازییەکان بە کەمتەرخەمی تۆمەتبار دەکەن و دەڵێن، ئەگەر بیانەوێ دەتوانن پێش بە بەتاڵانبردنی داری دارستانەکان بگرن.


بەرپرسانی پاراستنی ژینگە هۆشداری دەدەن













Supply by [author_name]

له‌ دێرسیم به‌فر ژیانی دانیشتووانی گوندەکانی سەختکردووە

رووداو – هەولێر

بەشێکی زۆر لە گوندەکانی سنووری پارێزگای دێرسیم لە باکووری کوردستان بەفر دایپۆشیون، هەندێک خانوو بەواوی کەوتوونەتە ژێر بەفرەوە، ئەو کەرەستانەش کەلەبەردەستیانن، توانای ئەوەیان نییە بەفرەکە پاکبکەنەوە.

گوندنشینانی ناوچه‌ی ئۆڤام كێنت له‌ شارۆچكه‌ی پولور سه‌ر به‌ پارێزگای دێرسیمی باكووری كوردستان، له‌ دۆخێكی سه‌ختدا ده‌ژین، ته‌وژمی به‌فربارین و سه‌رما و سۆڵه‌ ته‌نگی پێ هەڵچنیون.  دوو مه‌تر به‌فر باریووه‌، خانووه‌ یه‌ك نهۆمییه‌كان ژێر به‌فر كه‌وتوون، دوو نهۆمییه‌كانیش ته‌نیا به‌شێكی نهۆمی سه‌ره‌وه‌یان دیاره‌، نزیكه‌ی هه‌فته‌یه‌كه‌ ته‌واوی رێگاكانی هاتووچۆیان داخراوه‌، شۆڤڵ و ئامێری كاركردنی پێویستیان نییه‌ بۆ ئه‌وه‌ی ته‌واوی رێگەكان بكه‌نه‌وه‌. 

زوقم و شه‌خته‌به‌ندی هۆكارێكی دیكه‌یه‌ له‌به‌رده‌م هاونیشتمانیانی ئه‌م گونده‌، ته‌نانه‌ت بۆ دابینكردنی ئالیك و خوانی ئاژه‌ڵه‌كانیان به‌سه‌ختی دابین ده‌كه‌ن و هه‌موو شوێنێك سپی پۆش بووه‌ و ناچارن ئاژه‌ڵه‌كانیان له‌نێو ته‌وێڵه‌كانیان به‌جێبهێڵن، چونكه‌ ناتوانن بۆ له‌وه‌ڕاندنیان له‌ ترسی به‌فربارین و داخرانی رێگەكانیان بیانهێننه‌ ده‌ره‌وه‌. 

ئاژه‌ڵداری سه‌رچاوه‌ی سەرەکی بژێوی ژیانی ئه‌و گوندنشینانه‌یه‌، بۆیه‌ ژن و پیاو و به‌ساڵاچووانیان به‌بێ گوێدانێکی ئەوتۆ به‌ سه‌رما و به‌فر، بایه‌خ به‌ به‌خێوكردنی ئاژه‌ڵه‌كانیان دەده‌ن و چاودێرییان دەكه‌ن.


لە هەندێ ناوچە دوو مه‌تر به‌فر باریوه













Supply by [author_name]

رۆژهەڵاتی کوردستان؛ لە مەریوان و سنە بەفر و لە ئیلام خۆڵ دەبارێت

رووداو – هەولێر

لە 24 کاژێری رابردوودا شەپۆلێکی بەفربارین رووی لە پارێزگاکانی رۆژهەڵاتی کوردستان بەتایبەتی سنە و مەریوانی کردووە. لە هەمانکاتدا لە هەندێ لە شارەکانی پارێزگای ئیلام-یش خۆڵ دەبارێت.

بەهۆی بەفربارین و تەمەوە مەودای بینین لە زۆربەی رێگە و شەقامەکانی  پارێزگای سنە کەمبووەتەوە و هاتووچۆ ئەستەم بووە. پۆلیسی هاتووچۆ داوای لە هاونیشتمانیان دەکات لە هاتووچۆی ناپێویست خۆیان ببوێرن و لە کاتی هاتووچۆ لە رێگەکان زنجیری تایە بەکاربهێنن. 

لە ئێوارەی پێنجشەممەوە تاوەکو بەیانیی رۆژی هەینی، شاری مەریوان لە رۆژهەڵاتی کوردستان زیاترین بەفربارینی بەخۆیەوە بینیوە. 

بەگوێرەی پێشبینیی کەشناسیی ئێران، بەفربارین لە پارێزگای سنە تاوەکو نیوەڕۆی هەینی بەردەوام بووە و پاشنیوەڕۆی ئەمڕۆش بەهۆی دابەزینی eight تاوەکو 10 پلەی گەرما، سەهۆڵ و شەختەبەند لەو ناوچانە روودەدات.

ناوچەکانی پارێزگای ئیلام کەشوهەوایەکی جیاواز بەسەریاندا زاڵە. لەکاتێکدا زۆربەی ناوچەکانی کوردستان بەفر سپیپۆشی کردوون، هاونیشتمانییانی هەندێ لە شارەکانی پارێزگای ئیلام بەدەست خۆڵبارینەوە گیرۆدەن.

شەپۆلی خۆڵبارینەکە ئاسمانی شارەکانی باشووری ئیلام وەک دیهلۆران و میهرانی گرتووەتەوە. 

بەگوێرەی کەشناسیی ئیلام هەڵکردنی بایەکی بەهێز لە رۆژی پێنجشەممەوە ناوەندەکانی تەپوتۆز و خۆڵبارینی لە بیابانەکانی عێراق و سووریا چالاک کردووە و شەپۆلی خۆڵبارینەکە لە باشوورەوە رووی لە پارێزگای ئیلام کردووە.


شەپۆلێکی بەفربارین رووی لە پارێزگاکانی رۆژهەڵاتی کوردستان کردووە













Supply by [author_name]

لە سۆران ژنێک لە کەلاوەیەکدا دەژی

رووداو-سۆران 

ماوه‌ی دوو مانگه‌ ئافره‌تێكی ته‌مه‌ن 47 ساڵ له‌و سارد و سه‌رمایه‌دا له‌ كه‌لاوه‌یەكی ناو بازاڕی سۆران شه‌و و رۆژ ده‌كاته‌وه‌،ئافره‌ته‌كه‌ نزیك چوار مانگه‌ هاوژینه‌كه‌ی لێی جیابووەته‌وه‌. رەمزیە سێ کچی هەن مێردەکەی نایەڵی بیانبینێ. 

ئەو ژنە لەبەر منداڵەکانی نایەوێ سۆران جێبێڵێت و ئێستا لەناو ژورێکی سارد و بێ ئاگری کەلاوەیەکدا دەژی.

ره‌مزیه‌ بۆ چه‌ند جارێك و شه‌وانه‌ ئازار دراوه‌، خوێنی له‌ كه‌لاوه‌كه‌دا رژاوه‌، هه‌ژار چه‌ند جارێك به‌ هانایەوە‌ چووه‌. ئەو دەڵێت: “چەند جارێک هاتوون و کەلاوەکەیان لێ تێکداوە و هەندێ پارەش کە خەڵک بەو ژنەیان داوە لێیان بردووە”.


نایەوێت لەبەر منداڵەکانی بچێتەوە لای کەسوکارەکەی













Supply by [author_name]

کارگەکانی کوردستان بۆ ئەوەی گومرگ بە عێراق نەدەن، دەبێ مۆڵەت نوێبکەنەوە

رووداو – هەولێر

سەرجەم کارگەکانی هەرێمی کوردستان، بۆ ئەوەی چیدیکە لە کاتی هەناردەکردنی بەرهەمەکانیان بۆ ناوەڕاست و باشووری عێراق گومرگ نەدەن، دەبێ مۆڵەتەکانیان نوێبکەنەوە.

لە هەرێمی کوردستاندا پێنج هەزار و 10 کارگە مۆڵەتیان هەیە، نزیکەی لە %25ـیان بەرهەمەکانیان هەناردەی ناوەڕاست و باشووری عێراق دەکەن.

حکومەتی هەرێمی کوردستان بۆ هەڵگرتنی خاڵە گومرگییە ناوخۆییەکانی نێوان پارێزگاکان و نوێکردنەوەی مۆڵەتی کارگەکان، لەگەڵ حکومەتی عێراق گەیشتووەتە رێککەوتن. 

کارگەکانی هەرێمی کوردستان دەبێت بەگوێرەی یاسای ژمارە 20ی ساڵی 1998 مۆڵەت نوێبکەنەوە. نوێنەری کارگەکانیش پێویست ناکات بچنە بەغدا، چونکە دەسەڵات دراوەتە وەزارەتی بازرگانی و پیشەسازی هەرێمی کوردستان مامەڵەکان رایی بکات.

بڕیارە لە ماوەی 10 رۆژی داهاتوودا شاندێکی وەزارەتی بازرگانی و پیشەسازی هەرێمی کوردستان بچێتە بەغدا، ئەوەش بۆ جێبەجێکردنی سەرجەم ئەو خاڵانەی لەسەری رێکەوتوون لە پێناسی گومرگی هاوبەش و یەکخستنی مۆڵەتی هاوردەکردن و پابەندبوونی هەرێمی کوردستان بە یاسا عێراقییەکان لە خاڵە سنوورییەکان و گەشەپێدانی بەرهەمی ناوخۆیی. 


لە کوردستاندا زیاتر لە پێنج هەزار کارگە مۆڵەتیان هەیە













Supply by [author_name]

کارگەکانی کوردستان بۆ ئەوەی گومرگ بە عێراق نەدەن، دەبێ مۆڵەت نوێبکەنەوە

رووداو – هەولێر

سەرجەم کارگەکانی هەرێمی کوردستان، بۆ ئەوەی چیدیکە لە کاتی هەناردەکردنی بەرهەمەکانیان بۆ ناوەڕاست و باشووری عێراق گومرگ نەدەن، دەبێ مۆڵەتەکانیان نوێبکەنەوە.

لە هەرێمی کوردستاندا پێنج هەزار و 10 کارگە مۆڵەتیان هەیە، نزیکەی لە %25ـیان بەرهەمەکانیان هەناردەی ناوەڕاست و باشووری عێراق دەکەن.

حکومەتی هەرێمی کوردستان بۆ هەڵگرتنی خاڵە گومرگییە ناوخۆییەکانی نێوان پارێزگاکان و نوێکردنەوەی مۆڵەتی کارگەکان، لەگەڵ حکومەتی عێراق گەیشتووەتە رێککەوتن. 

کارگەکانی هەرێمی کوردستان دەبێت بەگوێرەی یاسای ژمارە 20ی ساڵی 1998 مۆڵەت نوێبکەنەوە. نوێنەری کارگەکانیش پێویست ناکات بچنە بەغدا، چونکە دەسەڵات دراوەتە وەزارەتی بازرگانی و پیشەسازی هەرێمی کوردستان مامەڵەکان رایی بکات.

بڕیارە لە ماوەی 10 رۆژی داهاتوودا شاندێکی وەزارەتی بازرگانی و پیشەسازی هەرێمی کوردستان بچێتە بەغدا، ئەوەش بۆ جێبەجێکردنی سەرجەم ئەو خاڵانەی لەسەری رێکەوتوون لە پێناسی گومرگی هاوبەش و یەکخستنی مۆڵەتی هاوردەکردن و پابەندبوونی هەرێمی کوردستان بە یاسا عێراقییەکان لە خاڵە سنوورییەکان و گەشەپێدانی بەرهەمی ناوخۆیی. 


لە کوردستاندا زیاتر لە پێنج هەزار کارگە مۆڵەتیان هەیە













Supply by [author_name]

کچێک لە کەمپی دارەشەکران کۆتایی بە ژیانی خۆی دەهێنێت

رووداو-هەولێر

شەوی رابردوو لە کەمپی دارەشەکران کچێکی ئاوارەی نیشتەجێی ئەو کەمپە کۆتایی بەژیانی خۆی هێنا و باوکی کچەکەش دەڵێ، کچەکەم هیچ کێشەیەکی نەبوو، من لەگەڵ میوانەکانم دانیشتبووم، چای بۆ دروستکردم و چای بۆ هێنام، دواتر هەواڵیان پێدام کە خۆی خنکاندووە.

رەنگین شەرۆ، پەیامنێری رووداو لە کەمپی دارەشەکران لە هەولێر رایگەیاند: شەوی رابردوو 16-1-2019 لە کەمپی دارەشەکران لە هەولێر کچێکی تەمەن 14 ساڵ کە پەنابەری رۆژئاوای کوردستانە خۆی خنکاند و کۆتایی بە ژیانی خۆی هێنا.

لەبارەی هۆکاری خۆکووشتنەکەی فەرحان عابد، باوکی ئەو کچە 14 ساڵە بە رووداوی راگەیاند: “کچەکەم هیچ کێشەیەکی نەبوو، من لەگەڵ میوانەکانم دانیشتبووم، چای بۆ دروستکردم و چای بۆ هێنام، دواتر دوو منداڵی دیکەمان چوونە خانووەکەی لەو کاتەی من لەگەڵ میوانەکانم دانیشتبووم، کچە بچووکەکە هات و گوتی خاڵۆ، رەوعە خۆی کوشتووە، منیش بانگی کوڕەکەم کرد و گوتم بڕۆ سەیر بکە با ئەو منداڵانە نەترسێنێت، هات و گوتی بابە وەرە رەوعە خۆی خنکاندووە، ئێمەش چووین شریتەکەمان لە ملی کردەوە بەڵام هیچ هەناسەیەکی نەبوو، پاشان بردمانە نەخۆشخانە بەڵام بێ سوود بوو”.

باوکی رەوعە جەخت لەسەر ئەوە دەکاتەوە کە کچەکەی هیچ کێشە و گرفتێکی نەبووە و دەڵێ: ” بە ئارەزووی خۆی لە کەمپ دەگەڕا و دەچووە ماڵە دراوسێیەکانی و هەمووشیان لێی رازیبوون، ئێمەش لێی رازیبووین، هیچ ستەمێکمان لێی نەکردووە، ئەو کچی من بوو، خۆشەویستی دڵی ئێمە بوو”.


فەرحان عابد، باوکی ئەو کچە 14 ساڵەی کە خۆی خنکاندووە لێدوان بۆ رووداو دەدات













Supply by [author_name]

گوندنشینانی وان و مووش لە کەشوهەوای 40 پلەی ژێر سفردا ئاژەڵداری دەکەن

رووداو – باکووری کوردستان 

لە هەندێک ناوچەی باکووری کوردستان، شەوانە پلەی گەرما بۆ ژێر 40 پلەی سیلیزی دادەبەزێت، بەڵام هاونیشتمانییان ناچارن بۆ ئەوەی ئاژەڵەکانیان لە مردن و رەقبوونەوە بپارێزن لەو سەرما تاقەتپڕوکێنەشدا کاربکەن. 

گوندنشینانی ناوچەی سەرحەد ناچارن رۆژانە چەندین کاژێر خەریکی شکاندنی شەختە بن بۆ ئەوەی ئاوی خواردنەوە بۆ ئاژەڵەکانیان دابین بکەن. 

بورهان یاغمور، ئاژەڵدارە و دەڵێ “بەهۆی بەستنی ئاوی بۆرییەکان، هەموو رۆژێ نزیکەی دوو کیلۆمەتر رێگە دەبڕین و شەختە دەشکێنین و ئاو بە ئاژەڵەکانمان دەدەین”.

بەهۆی ساردیی لەڕادەبەدەری کەشوهەوا، ئەم ئاوە بۆ مانگاکان باش دەبێت و چالاکییان پێدەدات. یاشار بەیاز، ئاژەڵدارێکی دیکەیە و دەڵێ “مانگاکان لە پلەی 46ی ژێر سفردا دەهێنینە نێو ئەم ئاوە، چونکە بەڕاستی کەشوهەواکەی ساردە”.

بەشێک لە ئاژەڵداران لەم وەرزەدا هەموو رۆژێک مانگاکانیان دەبەنە نزیک رووبار و درەنگی ئێوارە دەیانگەڕیننەوە.

یاشار هەروەها دەڵێ  “مانگاکانمان راهاتوون، هەموو ساڵێک تاوەکو نیسان رۆژانە لێرە جێیاندەهێڵین، بەو گژ و گیایەی نێو ئاوەکە بەخێویاندەکەین، واتا مانگاکانمان راهاتوون بەمە. رۆژانە کاژێر 09:00 دەیانهێنین و ئێوارە کاژێر 04:00 یاخود 03:30 بۆ 05:00 دەیانگەڕێنینەوە”.

ناوچەی چاڵدێران بە یەکێک لە ساردترین ناوچەی کوردستان دادەندرێت کە ژیانی تێدابێت. سەرباری ئەوەی سەختە، بەڵام هاونیشتمانییانی ئێرە لە سەرما و شکاندنی شەختەبەند بۆ دەستکەوتنی ئاو تا رادەیەک راهاتوون.

 

پێداچوونەوە: هەڵات رێبوار


ئاژەڵدارەکان ناچارن شەختەی رووبارەکان بشکێنن بۆ ئەوەی ئاو بدەنە ئاژەڵەکانیان













Supply by [author_name]